بعيدا عن نزع السلاح و مخلفاته وبعض الامورالاخرى سالفتنه اليوم عن (الجريذي) ارجو ان تروق لكم..!

سالفتنه

سالفة الجريذي

اكو بيت بيه جريذي وديچ وطلي وعجل المهم بيوم من الايام حس الجريذي أم البيت ناصبتله مصيادة فراح للديچ وللطلي وللعجل وگاللهم ولكم انتبهوا تره ام البيت نصبت مصيادة !! الديچ گاله وآني شنو يعنيني قابل آني جريذي ، وراح للطلي هم گاله نفس الحچي !! راح للعجل فضحك وگاله أنت مخبل اكو عجل اينصبوله مصياده ؟؟
الجريذي فر اذاناته وگاللهم بسيطة راح اذكركم بيها ، المهم طگت المصياده وراح عليها الجريذي لگاهة لاگفة حية من ذيلها ، الحچية من سمعت صوت المصيادة ركضت وچانت الدنية ظلمة مدت ايدهة حسبالها صادت الجريذي شالت الحية ولن تگرصها ، طاحت الحجية واخذوها للمستشفى منا ومنا ثاني يوم صارت زينة الحجيه فواحد من ولدها گال خل نذبح الديچ فده لوجه الله على سلامت امنة فراح الديج بالرجلين ، ثاني يوم سمعوا ولد اخوها بگرصت عمتهم اجوها للبيت همة وعيالهم ، بعد خطار وجايين من مكان بعيد فگام ابنها الچبير وذبح الطلي للغدة ، صدگ ليش ما ثالث يوم هم تتخربط الحجية من سم الحية وماتت ، بعد ولدها شيسوون نصبوا الچادر .. والعالم جاية ورايحة با ليوم الثالث حطوا العجل وگصبوه !!
الجريذي بالنهاية طلع سالم بس هو شاهد على نهاية الديچ والطلي والعجل وگال هيچ احسن مو گلتلهم ام البيت نصبت مصيادة وما سمعو كلامي بس يلا بالعافية عليهم !!

شاهد سالفتنة

يا عمي لا تتقشمرون وتصدگون بحچي الحرامية تره تصير تاليتكم مثل الديچ والطلي والعجل ، وراح يجي يوم واذكركم
اعتقد واضحة جدا!!!!!!!

رئيس تحرير جريدة الرصيف الإلكترونية

الخطاط الصحفي / علي العمشاني/22..12..2025