سالفة ورباط _____
هذا واحد يسولف يكول طلبوا مواليدنا!!! وتسوقت لمركز التدريب ابوي الله يرحمة وصاني گالي بوية الوادم كلها تعلمت مهنة بالجيش ..إذا گالو ياهو نجار گول انا ..حداد فيتر صباغ كلشي گتله بوية شلون گال بوية تلگة وادم گبلك وتتعلم منهم بساحة العرضات واجه رئيس عرفاء الوحدة گال ياهو حلاق ..گمت گتله انا .. فبگلبي گلت هو ابو خليل شيرادله نمره اربعه وتحديد وهاي هيه المهم اخذاني للآمر ورتبته عميد گلي بابا أنته حلاق گتله نعم سيدي گلي عدك محل حلاقة گتله نعم سيدي بالسعدون واسمه الوردة البيضاء گلي بابا اني دائما بالسعدون ماشايف هيچ محل ..المهم گلي جايب غراضك گتله لا سيدي التفت على رئيس عرفاء الوحدة گله غراض الحلاق التسرح موجودة گله نعم سيدي گله روح جيبهن وتعال .. جابو الغراض وگلي بابا اريدك اتزيني بعد اني تورطت شگله چذب مو حلاق ماطول عليكم السالفة المراسل جاب كرسي بالمشراگه (بالشمس) لان چانت شته ..لبسته الوزره واول مالزمت المكينة اليدوية ..هاي البصورة.. وانا عضيته طلع اللحم ..ذبيتها ولزمت المگص وعضعضته اتعضعض المهم صار تصنيف حددته وگتله سيدي نعيما وهو گام دخل بغرفته وشاف روحه بالمراية وهو اجاني يركض وانا شردت والآمر بوزرته يركض وراي همه شافو الآمر وهية كلهاوراي ويلزموني ودگ بسط راشديات وچلاليق وانواع البسط والآمر گلي حلاقة الوردة البيضاء الااسويك الوردة الحمراء ياهيچ هيچ منك المهم جاينه عيد ذبوني شهر سجن (صلاحية الآمر) وخليت الآمر خلص العيد بچراوية (يشماغ)..
رباط سالفتنة
هسة الجماعة صارلهم ٢٢ سنة ونفس الوجوة تفتر علينا عضعضونا تعض ونعلوا سلفانا واحنة بعدنا نركض وراهم ومصدكين با انة راح يعدلون الوضع الذي نزل جو الصفر بتسعة وتسعين درجة
وما شفنا كل قبض منهم ساعة السودة عليهم ____
معودين امروتكم واليوم انتخابات اختاروا الأصلح والنزية اختاروا الوطني الغيور عوفوا الوجوة القديمة لان كلشي ماقدموا !!!
