#خووش سالفه
اكو مدينة تحتاج جسر فجمع الملك التجار وتبرعوا وبنوا الجسر ، الناس فرحت وصارت تعبر مرتاحة بس بقئ واحد من يريد يعبر يخلي ملابسه على راسه ويعبر سباحة واستمر على هاي الحالة شتة وصيف تعجبت الناس فراحوله فد يوم وگالوله : انت مخبل الجسر موجود وتعبر سباحة بالصيف بسيطة بس بالشتة خاف تموت من البرد !! فگاللهم اموت من البرد ولا أشارككم بالحرام لأن أعرف واحد من التجار الي تبرعوا فلوسه حرام واذا اعبر وياكم يعني شاركت بالحرام . فوصل خبره للحاكم فگال اتركوه هسة يمل ويعبر على الجسر ، بس صاحبنة استمر عشرين سنة على هاي الحالة فتعجب الحاكم من هذا الرجال ونزاهته وصبره وايمانه ، دز عليه وگاله : راح اسلمك بيت المال لان چذب الگة بامانتك عشرين سنه شابع اذيه على مود جسر افلوس بنيانه حرام !! استلم صاحبنة اليستحرم بيت المال وماكو ايام واذا الاخبار تصل للحاكم يابه ترة صاحبك صار تاجر ومن اصحاب الاملاك ويبوگ بأديه ورجليه !! دز عليه الحاكم وگاله : شيخنة شنو السالفة هسة گلنة تبوگ بس على كيفك شو من اولهة العالم عرفت بيك حرامي .
فجاوبه : مولاي اريد اطلّع تعب مال عشرين سنة اسبح بيهة شتة وصيف حتى اقنعكم واصير أمين على بيت المال .
لا تروحون بعيد ترة رباط سالفتنة مو يم الجماعة الي جونة محزمين بحزام الدين حتى يطلعون الفرق !!!!
