سالفة الفاصوليا
يوم من الايام
سير علينا واحد من كرايبنا عمت عيني عليه قبل وفاته وكان غدانا فاصوليا وتغده ويانا وكان سوده عليه من المحبين لمركة الفاصوليا وسولفلي هاي السالفه
يكول كانت عمتك ألله يرحمها
اثناء ما تسلق الفاصوليا،
تطفح على السطح كم حبة منها
والي تطفح ما تستوي ولازم تشيلها
كانت عمتك تسمي هاي الحبات
نغولة بالجمع واذا وحده يعني مفرد “نغل”
واكيد الكل يعرف معناها…
كَتلها ولج حتى النبات ما سلم منج
ولج هسه هاي شلون رهمتيها؟
بوقتها ضحكت عمتك وما ردت عليه..
هسى ياعمي
تمنيتها عمتك عايشة لهسه حتى تشوف
النغولة الي طفحو على السطح ولعبو بينا جوله من ياجمع ومن ياطينه
-مكَرودة يالفاصوليا حتى بهاي ماخلصتي!!!
شاهد سالفتنه
هسة النغولة حشه القارئ والشرفاء صاروا أكثر من الفاصوليا.
وعمرنا خلص لاشفنا من ذولاك ولا من ذولة–
