أكو فلاح واگع من السطح يزرع وبتالي السنة يطلع مطلوب إجاه !!!
واحد گلة أريد انصحك گلة تفضل گلة من تزرع إتوجه لرب العالمين گلة ربي اريد ازرع واني وياك شركة بالزرع بلكت ربك يبارك بزرعك وتستفاد ومن تحصد انطي حق الله واخذ حقك گول الزلمة وافق وزرع وگال ربي انة وياك شركة … والله السنة إجت سنة خير وصار الزرع للحزام الزلمة حصد وكوم الزرع بيادر وراح لبيتة يرتاحً وبليلة ظلمة فكر وية روحة گال اني ليش مااطلع بهذا الليل مادام ظلمة وابوك من الزرع واگول ل الله السنة جانت مو شي…. الله وين راح يشوفني والله طلع ومشة عند البيادر وبلش يعبي گواني والدنية ظلمة ولن تجي مزنة قوية وزخت مطر لمن فاضت المنطقة وجرت سيول واخذت الحاصل وهو لاذ جوه شجرة وحتى ساعته الي بيدة انقطع سيرها و ضيعها لان ظلمة ومايشوف وين صارت … باوع للسمه وگال ربي ماريد منك كلشي اخذ الزرع بس اريدلي جدحة أشوف الساعة مالتي وين صارت خرة بروح امة وابوه اليشاركك بعد ….
رباط سالفتنة الجماعةً من جانو بالظيم جانوا متدينيين ودوم يدعون ربهم يفرج عليهم وبس الله فتح عليهم نسوا الله وخمطوا حصة الله …. بس وربكم يجي يوم ومايحصلون حتى سير
ن- ع-ا-ل—-أجلكم الله
لان جزيتوها حدها واكلتوا مال الله و عبادة وحتى الشيطان طلع تلميذ عدكم وبعدة بالروضة بالنسبة الكم ___
